Nakisama ako sa mahabang pila sa labi ng dating Pangulong Cory Aquino.
Madaming desisyon si Pangulong Aquino na marahil hindi nagustuhan ng mga kritiko niya at mga desisyong idinulot ng mga tunggalian ng kaliwa’t kanang puwersa sa luob at labas ng kanyang pamahalaan.
Hindi na mauulit ang ganitong uri ng pagpupugay sa kahit sino mang politico na kilala natin ngayon. Walang Ninoy Aquino na handing magbigay ng buhay nila sa mga kasalukuyang politico. Maaring mali ako ngunit sa paninidigang ipinakita ng mag-asawang ito sa ating bayan, hindi matatawaran ang kanilang nagging papel para sa demokratikong pamumuhay natin ngayon.
Maaring hindi perpekto ang demokrasyang ito ngunit ito kasama ng mga institusyon gaya ng karapatan sa pamamahayag, pagboto, eleksiyon at ang Kongreso ay maaring pagsimulan ng mas matibay na demokrasya sa ating bayan kung saan ang maliliit at mas mahihirap ay higit na mabibigyan ng pansin.
Gayundin, ang tiwala sa Pilipino na ipinakita ng mag-asawang aquino gaya ng katagang: The Filipino is worth dying for at kay Cory na nagpahalaga sa kakayanan at talento ng Pinoy ay mga kontribusyong hindi matatawaran.
Gayundin, ang pagpapahalaga ng integridad sa pamahalaan ay napakahalaga na hindi natin Makita sa mga sumunod na rehimen ng bayan.
Ang taong bayang nagpupugay Kay Ninoy at Cory, ay mahalagang makita muli sa panahong halos pabayaan na sila ng mga politico at sa taong bayan na matagpuan nila muli ang kanilang sariling lakas na binigyang lakas ng luob ni Ninoy, Cory at marami pang tumayo at nanindigan sa batas militar.
